પવિત્ર યાત્રાધામ પાલીતાણાથી 40 કી.મી. દૂર જેસર પાસે સુનિયોજીત રૂપે ચાલી રહેલી છાપરીયાળી પાંજરાપોળ સંસ્થાનો વહીવટ શેઠ આણંદજી કલ્યાણજીની પેઢી ઇ.સ. 1852 એટલે કે 162 વર્ષથી કરી રહી છે. અત્યારે હાલ પાંજરાપોળમાં 4 થી 5 હજાર જેટલા નાના-મોટા જીવ આશ્રય લઇ રહ્યા છે. જેમની સગવડ માટે પાંજરાપોળમાં 18 પાકા શેડ છે. માંદા અને અશક્ત જીવ માટે એક ઓપરેશન થિયેટર અને ટ્રેકટર-ટ્રોલી(એમ્બ્યુલન્સ) વસાવેલ છે. કાયમી દાકતર રાખી સારવાર આપવામાં આવે છે. ઉપરાંત આસપાસના ગામના પશુઓની સારવાર પણ કરવામાં આવે છે.
સંસ્થા દ્વારા પાંજરાપોળની આસપાસના દાતાઓની સહાયથી સરકારશ્રીની લોકફાળા યોજના અંતર્ગત 30 ચેકડેમ બાંધવામાં આવેલ છે. પાણીના તળ ઉંચા જવાથી તેનો લાભ સંસ્થાને અને આસપાસના ખેડૂતોને મળતો રહે છે.